炒 股 炒 到 癲

摘自壹週

個 案 一 ︰ 見 到 車 牌 就 手 震
阿 Ken ， 三 十 四 歲 ， 地 盤 主 任
炒 過 十 隻 窩 輪 ， 細 價 股 包 括 金 匡 企 業 （ 286 ） ， 奧 瑪 仕 控 股 （ 959 ） 等
這 天 ， 阿 Ken 終 於 輸 掉 全 副 身 家 ， 還 欠 下 二 十 萬 元 股 債 ， 徹 底 清 倉 ！
「 返 屋 企 扭 開 電 視 機 ， 有 個 廣 告 彈 出 來 ， 話 沉 迷 賭 博 ， 等 於 倒 錢 落 海 ， 個 刻 個 腦 一 聲 。 呢 個 戒 賭 廣 告 成 日 播 ， 以 前 唔 鬼 理 ， 而 家 針 拮 到 肉 ， 先 至 有 共 鳴 。 」
因 炒 股 患 上 焦 慮 症 的 阿 Ken ， 這 天 回 家 前 在 街 上 徘 徊 ， 望 到 身 邊 擦 身 而 過 的 車 牌 ， 突 然 想 到 他 曾 經 買 過 的 股 票 巴 及 價 位 ， 「 857 中 石 油 ， 273 威 利 國 際 … … 」 一 堆 數 字 還 不 停 在 腦 海 旋 轉 ， 手 不 由 自 主 地 在 空 氣 中 敲 打 ， 不 停 抖 顫 。
Ken 其 實 從 小 已 明 白 賭 的 害 處 ， 「 父 親 最 鍾 意 賭 排 九 ， 屋 企 日 日 呼 朋 喚 友 開 雀 局 ， 成 個 賭 場 咁 ， 我 身 邊 亦 有 朋 友 因 賭 錢 老 婆 走 佬 。 」


每日按機一百次

阿 Ken 沉 迷 炒 股 時 忙 於 查 看 股 票 機 ， 影 響 工 作 。

但 他 沒 想 到 自 己 和 很 多 病 態 股 民 一 樣 ， 走 入 絕 路 ， 也 是 由 贏 錢 開 始 。
○ 五 年 十 月 ， 阿 Ken 捧 三 十 萬 元 積 蓄 出 擊 ， 憑 一 個 內 幕 消 息 買 了 銀 建 國 際 （ 171 ） 贏 了 五 十 萬 元 。 他 之 後 又 跟 消 息 將 所 賺 到 的 ， 狂 炒 期 指 窩 輪 ， 每 日 股 票 機 不 離 手 過 百 次 。 有 次 他 在 地 盤 工 作 ， 一 邊 行 一 邊 查 閱 股 票 機 ， 失 足 跌 落 一 個 地 洞 ， 他 立 即 爬 起 身 ， 卻 不 是 檢 查 傷 勢 ， 而 是 緊 張 股 票 機 有 沒 有 跌 壞 。 這 一 跤 之 後 ， 阿 Ken 開 始 輸 錢 ， 「 我 買 個 期 指 輪 ， 有 call 有 沽 ， 點 知 買 call 個 排 ， 指 就 跌 ， 買 沽 呢 ， 指 就 升 ！ 」 有 日 阿 Ken 看 所 買 股 票 不 停 插 水 ， 四 時 收 市 後 ， 呆 坐 到 晚 上 九 時 ， 動 也 不 動 ， 像 著 魔 般 的 不 斷 反 問 自 己 ： 「 點 解 隻 股 唔 升 ， 點 解 我 唔 止 蝕 ， 點 解 隻 隻 貨 都 輸 。 」 直 到 太 太 回 家 發 出 開 門 聲 ， 他 才 驚 醒 過 來 ， 立 即 熄 電 腦 以 免 被 太 太 發 現 他 炒 股 。
一 個 月 後 ， 阿 Ken 埋 單 發 現 炒 輪 輸 掉 七 十 萬 ， 把 當 初 所 賺 的 全 部 輸 光 ， 只 剩 十 萬 。 阿 Ken 還 不 肯 收 手 。 他 深 信 當 時 股 壇 盛 傳 的 一 個 神 話 ， 有 個 時 富 証 券 行 經 紀 輸 一 千 萬 後 又 賺 回 一 千 萬 。 結 果 他 再 將 十 萬 買 輪 ， 無 幾 耐 又 輸 清 光 ， 他 向 銀 行 借 二 十 萬 再 炒 ， 結 果 仍 然 輸 淨 ， 之 後 就 晚 晚 失 眠 ， 焦 慮 症 的 徵 狀 陸 續 出 現 ， 「 當 時 全 身 標 晒 冷 汗 ， 朝 早 起 身 ， 張 床 單 濕 晒 。 」 縱 使 週 末 假 期 休 市 ， 他 也 不 願 外 出 ， 只 埋 頭 栽 入 股 經 ， 面 對 太 太 都 是 默 言 不 語 。

斬 手 指 戒 賭

倒 錢 落 海 的 戒 賭 廣 告 ， 令 阿 Ken 清 醒 起 來 。

「 有 日 天 氣 成 三 十 度 ， 但 我 就 覺 得 好 凍 好 凍 ， 個 心 不 停 度 震 ， 抬 頭 望 住 個 天 ， 覺 得 有 暈 暈 … … 我 諗 番 起 細 個 阿 爸 日 日 屋 企 賭 排 九 ， 家 無 寧 日 景 況 ， 我 太 好 勝 ， 衝 動 的 性 格 容 易 沉 迷 賭 博 。 」 他 終 於 明 白 自 己 為 何 走 上 不 歸 路 。
為 了 戒 除 股 癮 ， 阿 Ken 決 心 向 東 華 三 院 轄 下 的 平 和 坊 戒 賭 中 心 求 助 ， 每 星 期 見 輔 導 員 ， 首 先 要 學 的 ， 是 如 何 和 股 市 「 絕 緣 」 ， 「 佢 教 我 cut 屋 企 條 寬 頻 線 ， 買 報 紙 丟 掉 財 經 版 。 」
這 些 做 法 講 就 容 易 ， 戒 炒 初 期 ， 阿 Ken 曾 偷 看 股 市 新 聞 ， 心 癮 起 又 想 再 度 入 市 ， 太 太 哭 苦 勸 他 ： 「 有 錢 還 債 先 ， 唔 好 再 炒 。 」 他 感 到 很 痛 苦 。
直 至 有 次 參 加 由 戒 賭 中 心 安 排 的 聚 會 ， 與 其 他 求 助 人 士 見 面 ， 訴 說 自 身 沉 迷 賭 博 的 影 響 ， 「 有 個 參 加 者 無 隻 手 指 ， 我 問 佢 點 解 ， 佢 話 自 己 過 大 海 賭 輸 錢 ， 債 還 幾 年 都 還 唔 晒 ， 最 後 斬 手 指 逼 自 己 唔 好 再 賭 。 」 阿 Ken 回 到 家 ， 一 想 起 那 個 空 了 一 個 洞 的 手 掌 ， 便 感 到 心 寒 ， 「 刻 我 下 定 決 心 ， 警 惕 自 己 唔 敢 賭 ， 以 免 步 佢 後 塵 。 」
三 個 月 後 治 療 開 始 見 效 ， 現 時 阿 Ken 重 新 學 習 投 資 ， 今 年 六 月 將 部 分 積 蓄 小 額 投 資 中 國 人 壽 ， 其 餘 買 基 金 、 保 險 、 存 入 銀 行 等 ， 近 期 大 市 波 動 ， 阿 Ken 沒 有 再 入 市 ， 「 而 家 明 白 ， 其 實 賺 一 成 已 好 滿 足 。 」


個 案 二 ︰ 身 斷 六 親

中 大 聯 合 書 院 一 項 調 查 發 現 大 學 生 炒 股 成 風 ， 負 責 調 查 的 四 名 大 學 生 認 為 在 學 年 青 人 心 智 未 成 熟 ， 難 以 承 受 炒 股 壓 力 。

阿 強 ， 23 歲 ， 無 業
主 力 炒 國 企 輪
阿 強 已 經 「 病 入 膏 肓 」 ， 若 以 癌 症 做 比 喻 ， 他 屬 於 第 四 期 ， 即 是 末 期 病 人 。
阿 強 的 投 資 之 路 ， 是 由 做 金 融 的 父 親 帶 動 。 他 讀 小 學 六 年 級 時 ， 父 親 已 帶 他 出 入 證 券 行 ， 「 我 阿 爸 好 鍾 意 投 資 ， 屋 企 有 好 多 投 資 書 ， 佢 成 日 話 ， 投 資 要 愈 早 愈 好 ， 所 以 要 帶 我 去 見 識 。 」 年 紀 小 小 ， 阿 強 已 對 金 魚 缸 不 陌 生 ， 讀 中 四 時 已 利 用 父 親 證 券 戶 口 「 試 玩 」 ， 「 時 買 都 係 正 股 ， 我 第 一 次 贏 錢 ， 老 豆 就 讚 我 有 眼 光 ， 之 後 就 任 我 主 意 ， 佢 話 輸 晒 都 唔 怕 喎 。 」

父 親 打 本 買 股

替 阿 強 做 輔 導 的 東 華 三 院 平 和 坊 主 任 陳 美 璐 指 出 ， 病 態 股 民 以 投 資 失 利 做 藉 口 ， 到 欠 債 及 身 心 受 損 才 認 知 淪 為 賭 博 性 炒 股 。 ○ 三 年 他 十 八 歲 ， 阿 強 的 父 親 打 本 三 萬 元 ， 給 他 開 私 人 證 券 戶 口 做 成 年 禮 物 ， 「 時 我 仲 讀 緊 高 中 ， 一 邊 玩 股 ， 一 邊 讀 書 ， 炒 股 就 成 為 我 最 大 娛 樂 。 父 母 好 開 通 ， 只 係 叫 我 唔 好 咁 沉 迷 。 」 阿 強 手 氣 很 好 ， 買 了 幾 隻 中 價 股 都 升 ， 但 他 開 始 嫌 買 正 股 賺 得 慢 、 賺 得 少 。 「 一 個 月 都 升 唔 到 一 成 ， 我 見 uncle 買 輪 ， 一 個 月 就 升 一 倍 。 」 於 是 阿 強 就 將 三 萬 元 全 部 買 輪 ， 有 時 重 鎚 買 一 隻 ， 有 時 又 分 開 買 幾 隻 ， 專 揀 波 幅 較 大 的 來 買 ， 結 果 一 年 後 ， 他 贏 了 一 百 萬 ， 被 朋 友 捧 為 「 《 大 時 代 》 劉 青 雲 翻 版 」 。 「 二 十 歲 仔 身 家 有 一 百 萬 ， 唔 係 人 人 都 得 ， 有 朋 友 仲 封 我 做 股 神 添 ！ 」 他 牙 擦 擦 地 說 。 錢 來 得 實 在 太 快 ， 阿 強 沒 心 機 再 讀 書 ， 中 七 畢 業 後 求 其 找 了 一 份 月 薪 八 千 的 文 員 工 作 ， 整 個 人 完 全 沉 迷 股 市 ， 返 工 時 偷 雞 上 網 睇 市 ， 每 遇 股 市 有 大 波 動 ， 阿 強 索 性 請 病 假 ， 「 要 實 邊 隻 輪 掂 ， 總 之 就 要 快 。 」 父 母 開 始 覺 得 不 對 勁 ， 但 想 勸 止 已 經 太 遲 ， 「 阿 媽 日 哦 夜 哦 ， 連 阿 爸 都 教 訓 我 ， 話 我 炒 輪 太 狼 ， 我 心 諗 ， 當 初 又 係 你 話 投 資 好 ， 我 而 家 賺 錢 仲 多 過 你 啦 ， 後 來 嫌 佢 麻 煩 ， 自 己 索 性 搬 開 ， 在 外 邊 租 房 住 。 」

「 股 神 」 輸 光 一 百 萬

斷 六 親 之 後 ， 阿 強 更 索 性 辭 職 ， 無 拘 無 束 身 炒 股 ， 終 於 大 禍 臨 頭 。 炒 輪 注 碼 愈 來 愈 大 ， 幾 十 萬 買 一 隻 高 風 險 窩 輪 也 不 手 軟 ， 結 果 一 百 萬 身 家 不 足 一 年 便 輸 清 ， 還 倒 欠 十 五 萬 元 卡 數 。 「 排 消 息 好 唔 準 ， 日 夜 睇 住 個 市 ， 每 日 幾 多 個 鐘 唔 知 ， 一 日 一 餐 飯 就 算 ， 最 後 搞 到 要 向 朋 友 借 錢 ， 佢 見 到 我 搞 成 咁 ， 都 嚇 一 跳 。 」 朋 友 幫 阿 強 捱 了 最 差 的 日 子 ， 但 昔 日 「 賭 神 」 形 象 已 蕩 然 無 存 ， 經 不 起 輸 錢 又 冇 面 的 打 擊 ， 阿 強 開 始 覺 得 ， 玩 股 票 原 來 很 累 人 。 有 次 走 在 街 上 ， 阿 強 望 到 一 隻 麻 雀 在 空 中 飛 過 ， 猛 然 省 悟 自 已 一 直 被 股 票 困 住 ， 其 實 並 不 自 由 ， 於 是 經 朋 友 介 紹 ， 向 東 華 三 院 平 和 坊 尋 求 戒 賭 輔 助 。 輔 導 員 吳 小 姐 透 過 心 理 輔 導 ， 向 阿 強 分 析 利 弊 ， 但 就 嘆 說 要 他 徹 底 戒 掉 炒 股 ， 仍 然 困 難 ， 「 其 實 阿 強 好 想 戒 股 ， 但 年 青 人 定 力 唔 係 咁 夠 ， 佢 舊 年 曾 報 公 開 大 學 讀 番 書 ， 上 了 兩 個 星 期 學 ， 個 心 癮 又 ， 忍 唔 住 返 屋 企 上 網 炒 。 」 繼 續 浮 沉 股 海 的 阿 強 ， 連 家 人 也 不 知 他 的 行 蹤 ， 他 更 嫌 打 工 受 氣 薪 金 少 ， 至 今 仍 然 無 業 ， 「 佢 阿 爸 梗 係 好 擔 心 個 仔 啦 ， 其 實 佢 到 而 家 都 唔 明 ， 個 仔 點 解 會 搞 成 咁 。 」

個 案 三 ︰ 炒 到 高 血 壓

蘇 先 生 ， 55 歲 ， 退 休 人 士 主 力 玩 國 企 輪 ， 正 股 包 括 中 海 集 運 （ 2866 ） ， 哈 爾 濱 動 力 （ 1133 ） 等 每 逢 大 市 大 上 大 落 ， 蘇 先 生 打 躉 的 耀 才 證 券 行 ， 就 成 為 各 大 電 視 台 爭 相 訪 問 股 民 心 聲 的 地 方 ， 而 無 論 股 市 升 跌 ， 蘇 先 生 都 會 勇 字 當 頭 地 說 ： 「 個 市 冇 問 題 ！ 」 自 稱 經 歷 過 三 次 金 融 風 暴 ， 十 八 歲 開 始 玩 股 票 ， 見 慣 風 雨 的 的 蘇 先 生 ， 可 謂 「 縱 橫 股 壇 」 ， 但 這 名 「 老 手 」 ， 從 來 都 是 損 手 的 多 ， 而 且 更 因 為 炒 股 ， 患 上 血 壓 高 及 糖 尿 。 精 神 科 專 科 醫 生 葉 恩 明 便 說 ， 全 職 炒 股 的 人 ， 經 常 壓 力 過 大 ， 會 導 致 精 神 緊 張 ， 引 發 一 連 串 毛 病 ， 「 最 常 見 是 內 分 泌 失 調 ， 誘 發 心 臟 病 、 血 壓 高 、 腸 胃 病 、 偏 頭 痛 、 腰 肩 背 痛 、 免 疫 系 統 出 現 問 題 ， 人 會 易 患 感 冒 ， 引 發 生 理 異 常 ， 出 現 氣 促 ， 心 跳 加 速 、 頭 痛 、 胃 痛 、 手 震 、 失 眠 、 冒 冷 汗 、 食 慾 不 振 、 情 緒 易 波 動 等 焦 慮 症 徵 狀 ， 若 不 接 受 治 療 ， 會 導 致 抑 鬱 症 。 」 記 者 採 訪 當 天 ， 蘇 先 生 就 在 證 券 行 邊 食 血 壓 藥 ， 邊 目 不 轉 睛 盯 實 個 市 。 這 天 一 開 市 就 跌 了 一 千 點 ， 蘇 先 生 買 的 國 企 ， 都 跌 得 慘 烈 ， 「 494 再 沽 一 萬 ， 3988 沽 一 萬 ， 我 而 家 蝕 幾 多 錢 ， 唔 知 喎 ， 我 唔 睇 數 目 。 」 但 蘇 先 生 堅 稱 不 覺 得 自 己 有 「 病 」 ， 今 年 他 見 國 企 股 起 動 ， 心 癮 又 起 ， 「 到 價 咪 玩 （ 窩 輪 ） ， 好 似 呢 幾 日 大 跌 市 ， 我 無 輪 手 。 只 要 小 心 謹 慎 ， 炒 股 可 以 將 自 己 資 產 擴 大 ， 高 血 壓 唔 會 影 響 我 炒 股 ！ 」 蘇 先 生 邊 說 邊 把 第 二 粒 血 壓 藥 骨 一 聲 吞 落 肚 。 葉 恩 明 醫 生 便 說 ， 炒 股 較 其 他 賭 博 ， 更 易 誘 發 焦 慮 及 抑 鬱 病 ， 「 賭 波 人 ， 場 波 打 完 就 無 得 賭 ， 但 股 市 就 無 得 停 ， 今 日 個 市 收 ， 輸 了 錢 唔 係 即 刻 找 數 ， 兩 日 後 才 結 算 ， 於 是 唔 識 收 手 的 股 民 第 二 日 股 市 開 市 又 再 買 賣 追 擊 ， 如 是 者 不 停 出 出 入 入 個 市 ， 個 腦 不 停 做 決 定 ， 成 為 無 休 止 的 環 境 壓 力 。 」


反 對 讀 書 買 股 票

精 神 科 醫 生 葉 恩 明 指 出 ， 情 緒 脆 弱 的 人 容 易 受 股 市 波 動 影 響 ， 引 致 焦 慮 症 及 抑 鬱 病 。
城 大 商 學 院 管 理 科 學 系 副 教 授 曾 淵 滄 博 士 反 對 年 青 人 讀 書 時 期 投 資 股 票 ， 他 說 ： 「 股 票 買 賣 需 要 很 高 的 EQ ， 心 智 未 成 熟 的 年 青 人 未 能 承 受 跌 市 輸 錢 的 壓 力 ， 贏 錢 心 雄 就 會 荒 廢 學 業 。 」 但 他 就 讚 成 從 模 擬 股 市 遊 戲 教 授 學 生 了 解 經 濟 學 ， 分 析 股 市 ， 他 亦 用 模 擬 遊 戲 教 讀 中 學 的 子 女 有 關 股 市 的 移 動 平 均 線 理 論 ， 讓 他 們 明 白 股 市 不 是 盲 目 買 賣 。
合 作 投 資 較 穩 陣

輝 立 證 券 董 事 黃 瑋 傑 認 為 只 要 股 民 理 性 投 資 ， 情 緒 就 不 會 受 股 市 波 動 影 響 。
輝 立 證 券 董 事 黃 瑋 傑 指 出 ， 病 態 股 民 的 共 通 點 是 沒 有 風 險 管 理 的 意 識 ， 存 在 賭 大 細 ， 靠 運 氣 的 賭 博 心 態 ， 情 緒 容 易 受 股 市 升 跌 影 響 。 他 強 調 理 性 的 股 票 投 資 ， 是 買 賣 股 票 前 做 足 功 課 ， 包 括 看 公 司 的 季 度 業 績 ， 有 關 的 業 務 發 展 等 ， 才 能 掌 握 購 入 的 股 票 價 值 ， 「 咁 樣 買 股 先 會 有 信 心 ， 即 使 因 大 市 短 期 影 響 股 價 波 動 都 能 處 之 泰 然 。 好 似 股 神 畢 菲 特 投 資 中 石 油 ， 佢 知 道 中 石 油 本 身 價 值 係 幾 多 ， 唔 會 因 為 短 期 股 價 波 動 而 唔 。 」 他 又 說 可 效 法 美 國 流 行 的 Investment Clubs 投 資 者 俱 樂 部 的 做 法 ， 以 四 人 或 五 人 合 作 投 資 ， 聚 集 大 家 智 慧 客 觀 分 析 股 市 形 勢 ， 分 擔 憂 慮 及 風 險 ， 美 國 曾 有 不 少 退 休 太 太 組 成 的 Investment Clubs ， 投 資 股 票 回 報 率 高 過 專 業 的 基 金 經 理 。 如 果 想 玩 窩 輪 ， 黃 瑋 傑 說 要 適 可 而 止 ， 「 投 放 股 票 的 資 金 一 至 兩 成 就 好 ， 千 祈 不 要 胡 亂 將 六 七 成 身 家 身 炒 ， 輪 價 跌 兩 成 或 以 上 要 立 即 止 蝕 。 」