做老公的壓力

撰文: 梁玳寧欄名: 世事——玳玳茶

做老公的壓力
2008年10月1日 星期三
做人老公有乜壓力？根據香港心理衞生會的資料，大概如下︰
˙「放工已經好攰，一入門口，老婆就不停地投訴囡囡唔聽話、阿媽好長氣……」
˙「同朋友飲杯酒輕鬆吓，老婆就疑神疑鬼……」
˙「兩公婆份工都咁受氣，返到屋企，大家都燶口燶面，好鬼難受……」
˙「我覺得好唔開心，點解老婆連一句好言都無？完全都唔關心我……」
˙「經常香港內地兩邊走，兩公婆好少見面……」
˙「近期開唔夠工，要老婆搵工補貼家用，我好鬼無用……」
˙「個仔成績都唔差，點解老婆重要逼佢讀五個補習班？」
根據我的旁觀經驗，尚有如下︰
˙「攰成咁，晚上點交功課？老婆話我唔再愛佢，嬲咗幾日……」
˙「老婆話乜太個老公送咗隻大鑽戒俾佢做生日禮物……」
香港心理衞生會和衞生署合印錦囊，教夫妻解開壓力束縛，共享快樂婚姻，那包括︰
一、坦誠說出難處，對方才懂體諒；
二、參與對方的社交圈子，藉此增加雙方的了解和信心，建立共同的話題；
三、接納對方的難處，給予空間，並以行動表示你的諒解；
四、多包容、忍耐。少批評、抱怨；
五、鑑貌辨色，主動關懷，讓對方感受到你的體貼入微；
六、心有疑問毋庸猜，開口問是上策；
七、製造有創意的相聚，新鮮、驚喜有助促進感情；
八、家庭各項事務（如管教子女，家用分配，室內擺設），要共同商議，避免爭執；
九、不要積聚負面情緒，多講笑，有幽默感；
十、培養共同興趣和嗜好。